Poesie Siciliane

[Siracusana]

per acid‘
U ‘ncuontru spissu
quannu sinni va a travagghiari.
penza ca ri tintu nun c’è nnenti
ca nun c’è òdiu e nun c’è malignità,
l’ànimu sò è vitru trasparenti
ci pari lu munnu cinu ri buntà.
Iddu mi talii nta-ll’uocci e mi capisci
mi liegghi nto mò cori senza ‘nganni
nu libbru apiertu paru ju ppii ddu
La vita nostra è chista e gghiè pisanti
ma cull’amuri nostru bella pari

[blanche]

L'emigratu-S.P.-

Fa friddue sapiti chi fazzu?
scrivu nenti di menu 'na puisia:
la scrivu 'n dialettu a comu pozzu,
ma poi n'arresta 'nta la menti mia.

Mi veni in mentie parru di Sirausa,
di lu sò beddu cielu e lu sò mari;
e poi ripensu quanta genti 'n tavula
scrivunu versi e li sanu fari!

qualcunu parra dè luminari
e c'è cù parra di cosi pietusi;
'n autru parra di qualchi assissuri
e a vuci forti dici cosi fitusi.

Ma iu, ca sugnu ccà tantu luntanu,
sti cosi nun li vogghiu ammuntuari;
mi ci mettu lu focu 'nta li manu
e Diu stissu m'avissi a castiari.

Ma tu,sirausa mia, si' sempri ccà:
'nta stu cori miu brilli comu l'oru
e stritta ti tegnucomu Alì Babà
strittu tinia lu sò riccu tesoru.


( per tutti coloro che sono lontani! )

[filosofiafisica]

ottimo gusto.

Ancora non mi son cimentato
nella poesia dialettale , dovrei cominciar a farlo .. che dite ?

p.s.
saluto un amico , Acid75 , ch' forse non mi riconoscerà ma ,
scrivo soltanto di chiamarmi Salvo , emigrante da un pò...

[Siracusana]

L’URTIMA LACRIMA

Allegghiu,
sentu scusciri
‘u me cori.
E ‘ntupparisi
co’ velu niuru
ra mala sorti:
N’amara verità
ca ‘nto finiri
runa a l’occiu
quasi astutatu
L’urtima lacrima
ri ‘NNENTI.
Currennu
passa ‘u schelitru
ro tempu
‘a ‘ntuppari u casciolu
cu petri pisanti
‘nta fraciruta terra marrò
‘pi fertili tirrina ri pasculu
ro Celu.

Traduzione in italiano
L’ULTIMA LACRIMA
Lento,
sento palpitar
il mio cuore.
E, ricoprir
col nero velo
della mala sorte:
Una amara verità
che nel finire…
dona a l’occhio
quasi spento:
l’ultima lacrima
di un NULLA.
Veloce,
passa lo scheletro
del tempo
a ricoprir la bara
con pesanti pietre
ne l’ocre terra putrefatta
per fertili pascoli
Celesti.

[Siracusana]

A VIRITA' ARRUBBATA*
A virità:
mi l’arrubbaru.
Comu n’aneddu d’oru
mi l’arrubbaru.
A ittaru
da muntagna
a pinninu
‘nton puzzu niuru:
ci sputaru
‘ncapu
e si ni jeru.

Comu ‘nta na pignata
carcariannu
ora vugghi u me cori
e spanni
vampati di focu;
sulu quarcuno
dici “chi successi”?
Pi strata ognirunu
si sparti
rummuliannu.

A virità
mi l’arrubbaru.
Pariva duci
st’aria d’aprili
ca mi stampava
‘nta ll’occhi
pi sti strati storti
ciuri di mennuli
rosa
e vigni
arrizzittati.

Ora viu sulu
suli annigghiatu
e arbuli stuccati
di lu ventu
affamatu
e accarizzìu
armi ‘nnuccenti
cu li manu stanchi
ncapu na tavula
di chiova
tagghienti.

E trimannu
mi ‘npinciu
a taliari
‘ntra stu puzzu
ca tira
lu me cori
e pensu
di tiralla
cu ll’occhi
sta virità lucenti…
e iu m’appuzzu
e la tiru
cu ll’occhi,
e la taliu.

A virità:
viriti: e ‘nsanguliata,
l’annettu
cu lu ciatu,
mi sentu arrifriscata,
la mettu
supra l’altaru miu
e m’addinocchiu
e pregu,
pregu ca tutti
putissiru leggiri
‘ncelu
cu lu lustru di suli
chi spanni!

[acid]

Nu iornu ca lu Diu Patri era cuntentu

A lu munnu pinsò fari nu Prisenti

E di la cruna si scippau nu diamanti

Ci addutau tutti li setti elimenti

Lu pusau in mari in faccia a lu livanti

Lu chiamaru Sicilia li genti

Ca di l'eternu patri è lu diamanti!

[Evaluna]

A SIRA

A sira scinni,
a luna è ghiauta
e i riti sunnu arribbati.
I carseuddi jocanu,
a si mucciari.
L'ariddi cantanu
'nte livari.
I piscaturi ghiocunu 'e carti.
E lo zu Roccu prima
si fa priari,poi 'ntona
a sunari.
I mugghieri cuntanu i so fatti
-Oggi u muntagnaru da cucuzza gialla
ni vulia chiù caru-
Poi vardanu versu supra
unni a calata.
-Carusi l'aria è ferma.
dumani è caudduni-
-Ci fa u tempu pi bagnanti.-

LA SERA

La sera scende,
la luna è alta
e le reti sono raccolte a riva.
I ragazzini giocano,
a nascondino.
I grilli cantano
nel terreno degli ulivi.
I pescatori giocano a carte
E lo zio Rocco prima si fa pregare,
poi intona a suonare.
Le mogli raccontano dei fatti loro.
-Oggi il contadino
vendeva la zucca gialla
più cara di ieri-
Poi guardano verso la vallata.
-Ragazzi,l'aria è ferma-
-Fa il tempo buono per i turisti.

maria francesca falcone

[Siracusana]

Risacca

Respira lu mari,
e ddu iri e viniri di l’unni batti
lu scurriri di lu tempu.
L’ansimari di l’abissu è na timpesta
di rivugghi chi stagghianu nta li scogghi.

Poi si placa la risacca e respira lu mari.
Ancora iri e turnari, scumpariri e rispuntari,
avanti e n’arreri…
finu a durmiri.

[Evaluna]

Malincunii sicani

Fina
Leghia
Suttili…
Tu acqua ri cioviri.
Ti metti
E renni umida :
‘A ‘mpitrata terra sicana.
Tristi,
malinconica….
Tu, acqua ri cioviri
Cangi
‘U jornu ri primavera
‘nta friddusa, maccia niura
ca’ abbulannu
versu lontani lidi
metti: I menti nostri
cu’ frateddi ‘a niautri cari
Senza aviri nenti.
Oj, ‘pi niautri
SULU RIORDI ALLARGATI

Malinconie sicane

Fine
Leggera
Sottile…
Tu, acqua piovana
Ti posi
E inumidisci:
L’arida terra sicana.
Triste
malinconia…
Tu, acqua piovana
Trasformi:
il dì di primavera
in gelida , macchia nera
che svolazzante
verso lidi remoti
depone: Nostre Menti
con cari fratelli
Nullatenenti.
Oggi, per noi…
SOLO VAGHI RICORDI

Paolo Campisi

[Siracusana]

C'ERA LA LUNA

Ntra lu silenziu di la notti funna
sulu pri la campagna caminava;
c'era la luna ccu la facci tunna;
chi li munti e li chiani inargintava.

Non si muvia di l'arvuli na frunna,
ogni filiddu d'erva ripusava,
di lu mari durmia placida l'unna
e l'aura di la notti triunfava.

Ntra lu funnu vadduni, alluntanatu,
sintia lu cantu di lu rusignolu
ca duci si spargìa di pratu in pratu.

Lu passanti cantava pri la via
ccu la cadenza a l'usu campagnolu,
e la luna la scena si vidìa

Giuseppe Nicolosi Scandurra

[ulisse]

e vui durmiti ancora
lu suli è già spuntati di lu mari
e vui, bidduzza mia, dormiti ancora,
l’aceddi sunnu stanchi di cantari
e affriddàti v’aspettanu su pusati
e aspettanu quann’è ca v’affaciati

li ciuri senza vui non ponnu stari,
su tutti ccu li testi a pinnuluni,
ognunu d’iddi non voli sbucciari
su prima non si grapi ‘ssu balcuni,
dintra li buttuneddi su ammucchiati
e aspettanu quann’è ca v’affacciati!

Lassati stari, non dormiti cchiui,
ca ‘mmenzu ad iddi, dintra ‘ssa vanedda,
cci sugnu puru iù, c’aspettu a vui,
pri vidimi ‘ssa facci accussì bedda,
passu cca fora tutti li nuttati
e aspettu puru quannu v’affacciati.

(Giovanni Formisano)

[Evaluna]

Quanto mai in tema visto il periodo ...

- La poltrona. -

Onorevoli o pussidenti, avvocati o prisidenti,
nutara o generali, ministri o industriali,
direttura o commissari, duttura o primari,
la manìa ci l’hannu in tanti;
è modu d’essiri ’mportanti:
la cravatta firmata, la cammira ’ncartata, la segretaria truccata,
la scrivania “blindata”, la mugghieri ’ncurniciata…

Ma ’na cosa accumuna sti “prìncipi” e sti “baruna”:
chiù ’mbottita hannu la poltrona chiù ’mpunenti si senti la pirsuna.
Poi, macari, stànnuci vicinu, vali menza lira o un quattrinu;
t’adduni, nto chiù bellu, comu si po’ vestiri di poltrona nu sgabellu.

IGNAZIO MAIORANA.

[antoniorandazzo]

AMURI PI SEMPRI
L'amuri iè comu o Suli
quannu ccè quaria
Iddu bedda mia
nu' sulu s'abbannia
ma ionnu doppu ionnu
si vivi 'n cumpagnia
S'abbivira mi senti
cu tanti strummenti
Pacenza e cumprenzioni
'nta giusta dimenzioni
Quannu iè putenti
fa cangiari a tanti
Funni u ciriveddu
Ammalia l'omu saggiu inchennulu i curaggiu
Niuru cu nu' si fa 'ncantari
chi peddi nu' nu po sapiri
Ora ca sugnu ranni
tu vogghiu propriu riri
'Nta gioia ie nto ruluri
tu sula fusti amuri
Grazi amica mia
ca fusti a mia malia