di antoniorandazzo il 05 mag 2009 19:04
E al fin della licenza, come diceva Ciranò di Bergerac, io tocco con questa bella e significativa storiella
"RO SUFFIZIU SARAUSANU", solo per pudore,in vernacolo siracusano:
U cuntu parrà ri 'n suffiziu nustrali ca ri casa stava vicinu a 'n ciumi ri iacqua frisca. Chistu nu ' aveva ri chi lamintarisi, salamallicchi e sirinatì ri cu ie gghè, mangiari ri prima scelta, iacqua frisca e vimmiceddi pi cuntornu ogni santujonnu. Sa vò fattu 'na tana cu giardinu e vista panoramica nta riva ro cumi. L'unicu pinseri so iera r'abbuffarisi e stari stinnicchiatu o suli nto giardino ra so tana-villa. Nu' aveva paci però, virennu ca l'autri paisani si ravunu da fari circannu ri migliorarìsi. Aveva mmiria specialmenti re rarunchi ca libiri s'addivittevunu a natari passannu rì 'na riva ali 'autra ro ciumi e re passaredda ca abbulavunu libiri nta l'aria. Iddu a vò statu sempri attaccatu a robba ro so feudu, rrera rifamigghia nobili ri antica discinnenza.
Tanta iera a mmiria ca vosi pruvarì a natari senza riniscirici, anzi si stava anniannu a menzu all'acqua.
Macari iddu avissa vulutu pruvari a cuntintizza ca sinteva e vireva e ' avevunu lautri animaluzzi.
Prima ri moriri sa vò fissatu ri rinesciri a fari chiddu ca facevunu lautri, cuntentì e jabbati, ri du picca caputevunu aviri, a dispettu ri iddu, riccu cavallacciu.
Dopu tantu piniarì cu 'na faccia piatusa ri buttana 'n soddu, addumannò a una re rarunchi ri puttallu supira a schina finu ali'autra patti ro cumi. A rarunchia, ca canusceva i so paisani, scantata ci rissi: "chi ssi pazzu ca iù ti fazzu acchianari supira a schina mia, appena ti vegnu a tiru tu mmi muzzichi "? No, ca nun ti muzzicu, ci prumisii u suffizziu, pi favuri, fammillu passari 'stu piacirì, ti giuru supira a bonamma ri ma pattri ca nu ' ti muzzicu.
Tantu fici ca rinisciù a cunvinciri a rarunchia ca finalmenti u fìci chianari supira a schina ricennicci ri tinirisi forti. Stavunu arrivannu nta lautra riva quannu u suffìziu nun putennu chiù cuntrullarì a so natura, u lupu peddi u pilu ma no u viziu, muzzicò nto coddu, cu tutta a forza e u vilenu ca aveva ri rintra, a povira rarunchia. Chista, mentri stava murennu, girannisi versu o suffìziu ci rissi: "u sapeva ca ri tia nu ' mi puteva fìdari, tintu ierutu e tintu arristasti, ma ora, nu' mori macari tu"? È veru rìspunniu u suffìziu ma tu ti scuddasti ca iù sugnu 'n suffìziu nustrali e mi cuntentu ri moriri anniatu chiuttostu ca viriri a vuiautri fari cocchi cosa ca iù nu ' sacciu e nu ' pozzu fari. Parabula significat tarantula ballerina, comu si riceva 'na vota. Se a mmiriafussì vaddira tutti forruvu vaddarusi.
Tutto sommato è come il cane del macellaio che abbuffato lui non vuole che altri toccano i rimasugli.
Bay bay, ci rissi u 'ngrisi